ზურაბ ალავიძემ წალენჯიხის განახლებული კულტურის სახლი დაათვალიერა
ძებნა
ზურაბ ალავიძემ წალენჯიხის განახლებული კულტურის სახლი დაათვალიერა
24 თებერვალი 2018რეგიონებში ძველი და ავარიული კულტურის სახლების აღდგენა აქტიურად გრძელდება. ერთ-ერთი ასეთი ცენტრის რეაბილიტაცია დასრულდა წალენჯიხაში. დღეიდან, ადგილობრივებს განახლებული კულტურის სახლი მოემსახურება.
დასრულებული სამუშაოები, ადგილობრივ ხელისუფლების წარმომადგენლებთან ერთად, რეგიონული განვითარებისა და ინფრასტრუქტურის მინისტრმა დაათვალიერა.
ზურაბ ალავიძის განცხადებით, კულტურის ცენტრების აღდგენას სათანადო ყურადღება ეთმობა. ,,ბევრ მუნიციპალიტეტში წლების წინ დახურული, ავარიული და უფუნქციო შენობები დგას. ერთ-ერთი ასეთი კულტურული ცენტრის რეაბილიტაცია დავასრულეთ წალენჯიხაში, სადაც მთლიანად შეიცვალა შიდა და გარე ინტერიერი, სცენა და დარბაზი. მალე ცენტრი სხვადასხვა სახის კულტურულ ღონისძიებას განახლებულ კულტურის სახლში უმასპინძლებს“.
პროექტის განხორციელებისთვის სახელმწიფო ბიუჯეტიდან 680 000 ლარი დაიხარჯა.
